Aleanca për Ardhmërinë e Kosovës (AAK) ka përmbyllur procesin e nominimeve për zgjedhjet lokale të tetorit 2025, duke miratuar pesë kandidatura të fundit për kryetarë komunash në mbledhjen e sotme të Këshillit të Përgjithshëm të partisë. Vendimi është marrë me votë unanime, thuhet në njoftimin zyrtar të AAK-së.
Pesë kandidaturat e reja të miratuara janë:
Enver Hoti – Malishevë
Hafize Sallahu – Kaçanik
Mensut Ademi – Vushtrri
Ali Krasniqi – Obiliq
Beqir Kiqina – Drenas
Këtyre u shtohen edhe 19 kandidatura të zyrtarizuara më herët, përfshirë emra të njohur si:
Ardian Gjini – Gjakovë
Ali Berisha – Pejë
Bali Muharremaj – Suharekë
Smajl Latifi – Rahovec
Zenun Elezaj – Klinë
Bashkim Ramosaj – Deçan
Bekë Berisha – Prishtinë
Ajet Avdyli – Novobërdë
Nazim Gagica – Gjilan
Besnik Krasniqi – Prizren
Xhemile Murati – Ferizaj
Qazim Nimani – Mitrovicë
Faton Jakupi – Kamenicë
Ukë Blakaj – Istog
Agron Kuçi – Junik
Vildane Latifi – Fushë Kosovë
Baki Feta – Podujevë
Labinot Bislimi – Viti
Ilir Tasholli – Lipjan
Në njoftimin e bërë nga kryetari i AAK-së, Ramush Haradinaj, thuhet se kandidatët e Aleancës përfaqësojnë “vlera të dëshmuara”, të cilët kanë në prapavijë jo vetëm përvojë, por edhe rezultate konkrete në shërbim të qytetarëve.
“AAK hyn në këto zgjedhje e bashkuar, me energji të re dhe me besim të plotë në përkrahjen qytetare. Vota për Aleancën është votë për zhvillim, për punë konkrete dhe për një mënyrë të drejtë e të përgjegjshme të qeverisjes,” ka deklaruar Haradinaj.
