Për nëntë seanca me radhë, dështuan ta konstituojnë Kuvendin e Republikës.
Herën e nëntë, Lëvizja Vetëvendosje para propozimit të emrit të kandidatit për kryeparlamentar, kërkuan votim të fshehtë.
Mirëpo kjo u kundërshtua nga të gjitha grupet parlamentare, duke e quajtur këtë metodë të kundërligjshme.
Por për këtë pikë, nga Vetëvendosje thanë se janë me të drejtë.
Me këtë nuk po pajtohet ish kryetari i Gjykatës Supreme, Hasan Shala.
Sipas Shalës, forma e votimit nuk mund të ndryshohet prej asaj që është në rend dite.
Siç thotë ai, se me këtë tentim kanë bërë shkelje kryesuesi i Kuvendit dhe sekretariati.
E sipas avokatit, Arbër Jashari, kjo rregullore edhe pse është akt i brendshëm i Kuvendit, është e barabartë me ligjin.
Sipas tij, ky ligj duhet të respektohet nga deputetët.
Këtë formë të votimit, të enjten e një majit e kundërshtuan Partia Demokratike, Lidhja Demokratike, Aleanca për Ardhmërinë e Kosovës dhe Lista Serbe.
