Ky vendim ka ngjallur reagime tek opozita. E ekonomistët nuk po shohin se qeveria po bën zgjidhje për tërheqjen nga trusti.
Mirëpo qeveria deri më tani nuk e ka parë të udhës të marrë një hap të tillë.
Këta ndanë 100 euro si ndihmesë.
Por çështja e Trustit nuk u harrua.
Ish-kryeministri Avdullah Hoti thotë se duhet konsideruar tërheqja e një shume të kursimeve pensionale.
E i pari i AAK-së, Ramush Haradinaj shprehet se Qeveria me urgjencë duhet të lejojë tërheqjen e mjeteve nga Trusti në shumën prej 15 për qind.
Ndërsa iniciuesi i projektligjit për Trustin, Bekim Haxhiu kërkon nga Qeveria që deri me 21 Prill të jep mendimin e saj.
Kurse njohësit e çështjeve ekonomike nuk po e shohin si zgjidhje pakon e qeverisë për ndihmë financiare.
‘’Këto as nuk po japin zgjidhje në atë drejtim, as nuk kanë pako ekonomike. Thjesht kanë tentuar që përmes kësaj pakoje sociale t’i hedhin hi në sy qytetarit, por qytetari çdo ditë është më i vetëdijesuar dhe nuk kalon tek qytetari ky lloj manipulimi.’’
E të njëjtin mendim e ka ekonomisti Musa Limani.
“Asnjë fjalë nuk e dëgjova as nuk e pashë në këtë pako se flitet ose mirret ndonjë masë rreth çështjes së zhvillimit ekonomik. Prandaj nuk e shoh si zgjidhje dhe nuk ka qasje komplekse por ka një qasje parciale. Si prioritet i prioriteteve unë mendoj se është zhvillimi ekonomik e jo ndihmat parciale, ad hoc, me një ndihmë simbolike.’’
TËVË1 tentoi gjatë ditës të merr një konfirmim nga Qeveria dhe Ministria e Ekonomisë dhe Financave sa i përket asaj që a e konsiderojnë tërheqjen nga trusti pensional, mirëpo të njëjtët nuk kanë kthyer përgjigje.
Kronika e realizuar nga Albiona Hajdari
