Turqia është përfshirë nga protesta të mëdha pas arrestimit të kryetarit të Stambollit Ekrem Imamoglu, nën dyshimin për korrupsion.
Këto zhvillime i ka komentuar Iliri Kulla, ekspert i Politikave të Sigurisë dhe Gjeopolitikës.
I pyetur në emisionin “MATRIX” në Tëvë1, nëse presidenti aktual Rexhep Taip Erdogan mund të rrëzohet nga protestat ai e ka mohuar një mundësi të tillë.
Kulla ka thënë se Erdogan nuk është rrëzuar nga grusht shteti i vitit 2016.
Ai ka vlerësuar se zhvillimet në Turqi do ta bëjnë garën presidenciale shumë të fortë që pritet të mbahen në vitin 2028.
“Nuk bije Erdgonai me protesta, nuk ra me grusht shtet, nuk bije me protesta. E gjithë kjo do e fus procesin në një rrugëtim politik, unë mendoj që Ekremi nuk ka për të qëndruar shumë në burg, gjithsesi kjo e konfirmon atë si liderin e vetëm të opozitës dhe zgjedhjet e ardhshme presidenciale gara do të jetë shumë e fortë, por ka ende shume rrugë deri atëherë”, ka thënë Kulla.
Kryetari i Stambollit, Ekrem Imamoglu është arrestuar nën dyshimin për korrupsion. Atij gjykata i ka vendosur masën e arrestit.
Arrestimi i tij ka ngjallë reagime që shpërthyen me protesta me akuzuat e opozitës së kjo ka të bëjë me luftë politike, gjë të cilën e ka mohuar qeveria.
