Hasibe Bullaku, nëna e katër personave që mbetën të plagosur mbrëmë në Klinë, ka thënë se të dyshuarit që i plagosen djemtë kanë pas një problem para 7 vjetëve, por që ishin pajtuar.
Ajo thotë se nuk i di rrethanat e as arsyet e ngjarjes së mbrëmshme.
E problemi që ishte dikur kishte të bënte me një lopë që djali i saj ua kishte shkelur familjes së të arrestuarave.
“Ja kena dhënë lopën tonë veç me u pajtu, jena pajtu, çka u bë nuk e di. Jena pajtu, si ka ardh ky problem nuk e di”, ka thënë ajo
Policia e Kosovës ka bërë të ditur se për këtë rast janë arrestuar dy persona për veprën penale ‘vrasje nё tentativë’
Të dielën në rrugën “Ilir Merturi” në Klinë, policia ka bërë të ditur se ka marrë informacione për të shtëna me armë zjarri.
Policia menjëherë i është përgjigjur rastit, ku nё vendin e ngjarjes kanё hasur njёrin nga viktimat, i cili ishte i shtrirё dhe i lënduar. I njëjti ёshtё dërguar nё Spitalin Rajonal nё Pejё, gjithashtu edhe tre (3) tё lënduarit tjerё janё dërguar në Spitalin Rajonal nё Pejё.
