Këshilltari i kryeministrit Albin Kurti, Jeton Zulfaj ka thënë se raportet ndërmjet Kosovës dhe SHBA-së janë të mira, pavarësisht mospajtimeve dhe reagimeve të ashpra nga SHBA për situatën e krijuar në veri.
Ai duke folur zhvillimet në veri ka thënë se reagimet nga faktori ndërkombëtar do duhej të ishin ndryshe karshi Serbisë.
Zulfaj në emisionin “Këndi i Debatit”, tha se janë duke punuar që të shihet Serbia e vërtetë e cila siç tha ai vazhdimisht është agresor ndaj Kosovës.
“Karshi Serbisë një vend agresor ndaj Kosovës do duhej të kishte reagim tjetër nga ndërkombëtarët. Dhe si Qeveri po punojmë që të shihet kjo e vërtetë, pra të shihet e vërteta e Serbisë”, tha këshilltari i Kurtit.
Por, ati i ka reaguar analisti, Arton Demhasaj i cili tha se BE e SHBA e dinë shumë mirë se çfarë është Serbia.
Madje ai i tha Zulfajt se Kosova nuk mund t’i tregojë SHBA-së kë zgjedh partnerë.
“Nuk besoj që BE e SHBA nuk e din se çfarë është Serbia. Nuk mundemi me i mësuar SHBA-në se kë me zgjedh partnerët .Nuk mundemi me konsideru qe SHBA e ka qasjen e gabuar ndaj Serbisë”, tha ai.
Demhasja tha se sa herë që Qeveria ka marrë veprime në koordinim ne SHBA-në kanë pas përkrahje.
Por, Zulfaj në replikën e tij insistoi se askush më mirë se Kosova nuk e njeh Serbinë.
