Për t’i siguruar votat e nevojshme për qeverinë e re, kryeministri Albin Kurti duket e do të ketë shumë punë, për t’i bindur të gjithë deputetët e komuniteteve jo-shumicë.
Pothuajse gjysma e këtyre dhjetë deputetëve, kanë kërkesa të veçanta për Kurtin.
Në të kundërtën, nuk ia kanë premtuar votën.
Deputeti i partisë Liberale Egjiptiane, Veton Berisha, thotë se ende nuk kanë një koalicion me Lëvizjen Vetëvendosje.
“Akoma nuk kemi propozim për kryetar të Parlamentit… Jam deputet i Kuvendit të Kosovës. Absolutisht për sepse jemi për të ndërtuar institucione e pastaj shohim çfarë bëjmë. Si PLE nuk ka rëndësi emri për kryetar të Kuvendit. Me rëndësi ndërtimi i institucioneve”, ka thënë Berisha.
Ndryshe nga Berisha, Kurti ia ka përmbushur një kërkesë ministrit në detyrë, Nenad Rashiq.
Kryetari i Partisë për Liri, Drejtësi dhe Mbijetesë, thotë se komuniteti serb do të jetë i përfaqësuar në qeverinë e re.
“Kam pas takim që është normal, besoj se një ministër të takohet me kryeministrin dhe kemi biseduar, unë do të votoj, sepse konsideroj që një përfaqësim më adekuat në këtë moment është që partia më e madhe shqiptare në Kosovë që mund të udhëheq qoftë në aspektet e Kuvendit, po ashtu në aspektin qeveritar”, shprehet Rashiq.
E zëvendëskryeministrja në detyrë, Emilja Rexhepi, ka konfirmuar se do ta mbështesë votimin e qeverisë e cila sipas saj do të drejtohet nga Albin Kurti, pavarësisht se nuk ka marrë ndonjë ofertë për të qenë ministre edhe një mandat.
“Patjetër që do e votoj qeverinë, ne jemi pjesë e qeverisë veç unë nuk e kam marrë atë ofertën që të jem ministre, kthehem në parlamentar por jemi pjesë 3 Qeverisë. Kryeministri vendos kush prej boshnjakëve do të marrë postin e ministrit. Dikush prej boshnjakëve duhet me qenë, unë nuk jam kundër, këtë e vendos kryeministri”, ka thënë ajo.
Ndërkaq, gjatë ditës është raportuar se Duda Balje ia ka kërkuar një ministri kryeministrit në detyrë Kurti, për tu bërë pjesë e koalicionit.
E një ditë para seancës konstituive, Elbert Krasniqi kryetar i partisë IRDK ka deklaruar se janë 7 deputetë që do ta votojnë qeverinë Kurti 3.
