Kryetari i komunës së Zubin Potokut, Izmir Zeqiri thotë se është e nevojshme që institucionet e Kosovës të kenë një qëndrim të harmonizuar me faktorin ndërkombëtar, pasi u pyet se a do ta dëgjojnë QUINT-in që të mos i shfrytëzojnë objektet komunale
“Neve qysh në fillim jemi të mendimit që të kemi një qëndrim të harmonizuar edhe institucional, në mes të institucioneve të Kosovës por edhe në dakordim me miqtë ndërkombëtar. Uroj të kemi gjithmonë një harmoni të plotë rreth hapave dhe proceseve që zhvillohen në gjithë Kosovën por edhe në komuna tona, neve kemi kërkuar gjithëherë që të kemi harmoni dhe mbështetje dhe veprimet tona. Janë të arsyeshme të themi sepse jemi të fokusar që ta zbatojmë ligjin dhe ta shtrijmë infrastrukturën ligjore në të gjithë territorin”, ka thënë Zeqiri, në emisionin special në Tëvë 1 për zhvillimet në veri.
Zeqiri megjithatë ka shtuar se është i fokusuar që të punohet nga objektet komunale.
Kjo situatë e krijuar tanimë pothuajse ka pamundësuar funksionimin normal të punës në Kuvendin Komunal të Zubin Potokut meqenëse ndoshta ka qenë e papritur të ketë një reagim të tillë, ose të krijohet një situatë çfarë është krijuar mirëpo meqenëse neve jemi të fokusuar që objektet komunale që i takojnë qytetarëve dhe institucioneve, ato janë vendet ku mund të punojmë.
