Të mërkurën, do të kthehen në sallën e Kuvendit të Kosovës.
E për qëllim, deputetët e zgjedhur nga zgjedhjet e 28 dhjetorit do ta kenë konstituimin e Kuvendit.
Por nënkryetari i partisë së parë fituese, Lëvizjes Vetëvendosje, Glauk Konjufca shpreson që të kryhet edhe çështja e formimit të Qeverisë.
“Nesër do të bëhet Kuvendi, dhe shumë shpresoj që do të bëhet Qeveria. Ne kurrë nuk i kemi refuzua aktgjykimet e Kushtetueses. Kanë qenë beteja politike, por kur i ka dhënë vulë Kushtetuesja ne jemi tërhequr”, tha Konjufca.
Edhe politologu Avdi Smajljaj shpresoj që kjo të kryhet sa më shpejt.
Por ai thotë se nuk ka ende marrëveshje dhe nuk dihet cka do të ndodhë me propozimin për nënkryetarit e komunitetit serb.
Për Smajljaj, emri i Albulena Haxhiut do të propozohet sërish për kryetare të Kuvendit të Kosovës sepse ndryshe nuk ka kuptim.
Rezultatet e zgjedhjeve të 28 dhjetorit u certifikuan nga Komisioni Qendror i Zgjedhjeve të hënën, hap ky që i hapi rrugë edhe thirrjes së seancës konstituive nga e para e shtetit, Vjosa Osmani.
