Publicisti Kim Mehmeti, në emisionin “Këndi i Kimit” në Tëvë1, ka komentuar mundësinë e bashkimit të Lëvizjes VLEN-i në një subjekt politik me dy udhëheqës.
Mehmeti ka thënë se një ide e tillë nuk duket e realizueshme:
“Unë nuk di se si po diskutohet të ketë dy udhëheqës, por sipas meje vetëm një udhëheqës përfiton. Ajo është ALTERNATIVA, sepse nga 12 anëtarët dhe 12 votuesit që ka, të gjithë janë ministra. Sa më i fuqishëm të jesh në Maqedoni, aq më i përdorshëm dhe i pëlqyer je për palën maqedonase. Sa më pak fuqi të kesh, aq më pak dëshirueshëm je atje. Ata thonë: ‘Na duhet shqiptar i dobët dhe pa afërti’,” ka shpjeguar Mehmeti.
Ai ka shtuar se VLEN-i nuk do të bashkohet në një parti të vetme, sepse një bashkim i tillë nuk i leverdis rrethit të tyre dhe do të humbisnin pozicionet ekzistuese:
“Prej kur kam filluar emisionin, kam thënë se VLEN-i kurrë nuk do të bashkohet, sepse nuk ka llogari për këtë. Qarku në Maqedoni nuk e do bashkimin; ata duan bashkimin në një parti, por nuk mund ta bëjnë sepse humbin gjithçka me shkrirje në një parti,” ka përfunduar Mehmeti.
