Durmishi ka thënë se të gjitha kanalet diplomatike rezultuan të dështuara pasi sipas tij Rusia kishte një përgatitje afatgjate që kishte bërë. Ai thotë se edhe më parë Rusia kishte organizuar manovra ushtarake në kufi të Ukrainës në bashkëpunim me Bjellorusinë.
“Është e sigurt se të gjitha kanalet diplomatike rezultuan të ishin të dështuara dhe kjo që po shohim ishte një përgatitje afatgjate që Rusia kishte bërë. Rreth 5-6 vjetësh Rusia çdo vit në këtë periudhë ka organizuar manovra ushtarake në kufi të Ukrainës në bashkëpunim me Bjellorusinë, duke testuar në mënyrë të vazhdueshme gatishmërinë e forcave të tyre ushtarake, armatimet të cilat në mënyrë prioritare i ka zhvilluar këto vitet e fundit”, tha ai.
Sipas tij, NATO, BE-ja dhe OSBE-ja mundën ta dënojnë këtë luftë.
“Reagimet të cilat i kemi parë janë në përputhje me vendet apo organizatat respektive nuk kemi parë akoma një mbledhje të këshillit të sigurimit por deklarata kemi parë nga NATO, nga BE-ja e OSBE-ja të cilat munden ta dënojnë këtë dhe kemi nga ana tjetër një ridemisionim të qasjes të këtyre vendeve për të parë si duhet të adresohet në afatshkurtër dhe afatgjatë kjo situatë e re me sigurinë në Evropë dhe më gjerë”, ka thënë Durmishi. /teve1.info/
