Teksa shtoi se krijimi i tërë kësaj situate aktuale, është vetëm një shenjë e dobësisë, raporton teve1.info.
“Krijimi i gjithë kësaj drame është shenjë e dobësisë. Kur pa që po dështon pushtimi i Ukrainës, Rusia bojke thirrje përfaqësuesve të institucioneve Ukrainase të largohen nga institucionet e tyre. Sot Vuçiqi në Kosovë sillet sikur Putini në Ukrainë. Unë besoj se Vuçiqi po ndërton narracion dramatik publik brenda Serbisë për të krijuar mjedis politik i cili do t’i lejon të lëviz drejt marrëveshjes franko-gjermane. Por sikur Putini, Vuçiqi është duke e realizuar këtë strategji shumë dobët”, ka shkruar Shasha në Facebook.
Sipas tij, Lista Srpska nuk është tërhequr nga institucionet e Kosovës, teksa theksoi shkarkimin e Jabllanoviqit, vrasjen e Oliver Ivanoviq, arrestimin e Marko Gjuriqit, vendosjen e taksave 100 përqind si dhe një sërë aksionesh në veri gjatë vitit 2021.
“E sot po tërhiqet për “qortime” të targave? Prandaj, e para, këtë nonsens të targave duhet hequr nga rendi ditës. Tani nëse targat nuk janë arsye: çfarë po ndodh? Pra ai po ndërton një narracion dramatik përmes (1) ngritjes së aeroplanëve luftarak për të rrëzuar dronat, (2) ngritjes së gatishmërisë ushtarake, (3) realizimit të ushtrimeve ushtarake, (4) largimit të Listës Srpska nga institucionet; (5) organizimin e protestës së nesërme në Mitrovicë”, ka theksuar ai tutje.
Pra të gjitha këto lëvizje sipas Shashes kanë një të përbashkët: ngritjen e një narracion dramatik publik në Serbi i cili do të krijonte mjedis të favorshëm politik për të portretizuar Vuçiqin si shpëtimtar i vetëm i Serbisë në “rrethanat jashtëzakonisht të vështira nacionale dhe ndërkombëtare”.