Ai tha se klubi do të jetë një organizim qytetar dhe synohet që për tema të rëndësishme në vend të dalin me propozime përmes konceptit “Demokracia Konservatore”.
“Ky organizim që do përpiqemi ta ndërtojmë në mënyrën më të mirë, është organizim qytetar dhe njerëzit të cilët mund të japin kontribut në këtë koncept, e kanë mundësinë ta japin kontributin pa angazhime dhe detyrime konkrete të cilat i marrim. Ata mund të jenë aktiv në projekte të ndryshme duke e ruajtur identitetin e tyre qoftë ai politik, ideologjik, intelektual apo edhe partiak. Qëllimi jonë është që për çdo temë sociale politike, kulturore, ekonomike që ndodhë në Kosovë, t’i japim propozimet tona mbi prizmin e të kuptuarit të gjërave përmes konceptit “Demokracia Konservatore”, deklaroi Klinaku në emisionin “Infonata”.
Njëkohësisht, Klinaku njoftoi se së shpejti do mbahet edhe grumbullimi publik i ekipës themeltare të këtij klubi, raporton teve1.info.
Se a ka mundësi që ky organizim i klubit të kthehet në një parti politike, Klinaku e mohoi një gjë të tillë.
“Unë besoj që nuk ka grup social, nuk ka grup organizativ dhe nuk ka individ i cili me dëshirë nis rrugëtimin në tregun e partive politike në Kosovë. Pra, nuk e kemi një qëllim që do të na shndërronte në një parti politike. Për ne është e rëndësishme që idetë aktuale të cilat i kemi t’i shtyjmë përpara në kuptimin e mendimeve intelektuale”, theksoi ai.
“Klubi “Demokracia Konservatore”, është koncept i cili grumbullon rreth vetes individët që bashkohen rreth vlerave konservatore pa dallime partiake, fetare, krahinore apo nacionale./Tëvë1.info/.
