Teksa, më tej bëri të ditur se angazhimi gjerman është çdo ditë në rritje krah zhvillimeve të fundit në Kosovë.
“Interes i tërë Bashkësisë Ndërkombëtare nga SHBA-ja dhe vendet e Bashkimit Evropian, është që procesi i dialogut Kosovë – Serbi të vazhdojë dhe të arrihet sa më shpejt një marrëveshje finale. Ne shpresojmë shumë që një marrëveshje mes të dyja shteteve të arrihet gjatë mandatit të presidentit Biden. Shpresojmë shumë që të arrihet një marrëveshje në këtë periudhë sa në Gjermani udhëheq kancelari gjerman Scholz”, deklaroi Veliu në emisionin “Ditari”.
Ndërkaq, lidhur me çështjen e propozimit franko-gjerman, i cili ka për qëllim intensifikimin e dialogut, Veliu vlerësoi se tani është momenti i duhur të bëhet e qartë se Serbia është problemi kryesor.
“Në rast se arrihet një marrëveshje e cila i mundëson Kosovës procesin për në anëtarësim në Bashkimin Evropian, i mundëson të bëhet anëtare e Kombeve të Bashkuara, vijnë njohjet nga 5-shja evropiane, ne nuk duhet ta qajmë kokën shumë se a na njeh apo nuk njeh Serbia si shtet. Tani është momenti të bëhet e qartë se Serbia është problemi”, tha ai tutje në Tëvë1.
Teksa sipas tij, politikat evropiane gjithmonë kanë favorizuar Serbinë.
“Mendoj që Serbia asnjëherë më parë nuk ka qenë në një dispozicion më të vështirë”, theksoi Veliu./Tëvë1.info./
