Mirëpo, kjo nuk na ndalon të konsumojmë ushqime me sheqer, madje disa nuk e kontrollojnë dot as sasinë. Konsumimi i tepërt i sheqerit mund të kontribuojë gjithashtu në probleme shëndetësore afatgjata, prandaj ndoshta pasi të lexoni këtë artikull, do kujdeseni më shumë për sasitë e sheqerit që konsumoni gjatë ditës.
Rreziqet që vijnë nga konsumimi i tepërt i sheqerit:
Prishja e dhëmbëve
Sheqeri ushqen bakteret që jetojnë në gojë. Kur bakteret tresin sheqerin, ato krijojnë acid si një produkt i mbeturinave. Ky acid mund të gërryejë smaltin e dhëmbëve, duke krijuar vrima ose zgavra në dhëmbë.
Një studim i vitit 2018 i studentëve të Universitetit në Kinë tregoi se ata që pinin pije të ëmbla shtatë herë në javë ose më shumë, kishin më shumë gjasa të zhvillonin puçrra fytyre të moderuara ose të rënda. Për më tepër, një studim i vitit 2019 sugjeron se ulja e konsumit të sheqerit mund të ulë rritjen e faktorëve të ngjashëm me insulinën, androgjenet dhe sebumin, të cilët të gjithë mund të kontribuojnë në krijimin e akneve.
Shtimi në peshë dhe obeziteti
Sheqeri mund të ndikojë te hormonet që kontrollojnë peshën e një personi. Hormoni leptin i tregon trurit që një person ka ngrënë mjaftueshëm. Megjithatë, sipas një studimi të vitit 2008 te kafshët, një dietë e pasur me sheqer mund të shkaktojë rezistencë ndaj leptinës. Kjo mund të nënkuptojë se me kalimin e kohës, një dietë e pasur me sheqer e pengon trurin të kuptojë kur një person ka ngrënë mjaftueshëm. Megjithatë, studiuesit ende nuk e kanë testuar këtë te njerëzit.
Diabeti dhe rezistenca ndaj insulinës
Një artikull i vitit 2013 në PLOS ONE, tregoi se nivelet e larta të sheqerit në dietë mund të shkaktojnë diabetin e tipit 2 me kalimin e kohës. Instituti Kombëtar i Diabetit dhe Sëmundjeve Digjestive dhe Veshkave (NIDDK) shton se faktorë të tjerë rreziku, si obeziteti dhe rezistenca ndaj insulinës, mund të çojnë gjithashtu në diabetin e tipit 2.
Sëmundje kardiovaskulare
Një studim i vitit 2014 zbuloi se njerëzit që merrnin 17-21% të kalorive të tyre ditore nga sheqeri i shtuar, kishin një rrezik 38% më të lartë për të vdekur nga sëmundjet kardiovaskulare (SKV), sesa ata që konsumonin 8% sheqerna të shtuar. Për ata që konsumuan 21% ose më shumë të energjisë së tyre nga sheqernat e shtuara, rreziku i tyre për SKV u dyfishua.
Presioni i lartë i gjakut
Në një studim të vitit 2011, studiuesit gjetën një lidhje midis pijeve të ëmbla me sheqer dhe presionit të lartë të gjakut, ose hipertensionit. Hipertensioni është një faktor rreziku për SKV. Kjo mund të nënkuptojë që sheqeri i përkeqëson të dyja kushtet.
Kanceri
Konsumimi i tepërt i sheqerit mund të shkaktojë inflamacion, stres oksidativ dhe obezitet. Këta faktorë ndikojnë në rrezikun e një personi për të zhvilluar kancer. Një përmbledhje e studimeve në Rishikimin Vjetor të të ushqyerit zbuloi një rritje të rrezikut të kancerit me konsumimin e pijeve me sheqer. Një tjetër studim zbuloi një rritje prej 59% të rrezikut të disa llojeve të kancerit tek njerëzit që konsumonin pije me sheqer dhe kishin peshë rreth barkut.
Plakja e lëkurës
Sheqeri i tepërt në dietë çon në formimin e produkteve përfundimtare të avancuara të glikacionit (AGE), të cilat luajnë një rol në diabet. Sipas Skin Therapy Letter, ka disa prova që sugjerojnë se një numër i lartë i AGE mund të çojë në plakje më të shpejtë të dukshme. Megjithatë, shkencëtarët duhet ta studiojnë këtë te njerëzit më thellësisht për të kuptuar ndikimin e sheqerit në procesin e plakjes.
