Pëmes një shkrimi në Facebook, Abazoviq ka thënë se së shpejti do të nënshkruhen tri marrëveshje mes gjashtë shteteve të BP-së, Kosovës, Shqipërisë, Malit të Zi, Maqedonisë së Veriut, Bosnje e Hercegovinës dhe Serbisë, raporton teve1.info.
Teksa, shtoi se tanimë po krijohet një rajon më i mirë dhe më afër vlerave të BE-së.
“Po krijojmë një rajon më të mirë e më të integruar, edhe më afër vlerave të BE-së. Sesionet punuese në Samitin e liderëve të shteteve të Procesit të Berlinit ku flasim për bashkëpunimin rajonal, për tregtinë e përbashkët rajonale dhe sigurinë e furnizimit dhe transformimit. Së shpejti do të nënshkruajmë tre marrëveshje rajonale për lirinë e lëvizjes me kartë identiteti, për njohjen e kualifikimeve të arsimit të lartë dhe për njohjen e kualifikimeve profesionale të mjekëve, stomatologëve dhe arkitektëve”, shkroi Abazoviqi.
Ky samit i liderëve të shteteve të Ballkanit Perëndimor që po mbahet aktualisht në Berlin, është nën udhëheqjen e kancelarit gjerman, Olaf Scholz.
Në këtë samit, Kosova përfaqësohet nga kryeministri Albin Kurti.
