Ai është pritur nga kancelari gjerman, Olaf Scholz i cili është edhe nikoqir i këtij takimi.
Ndërkaq, pjesëmarrës në këtë samit do të jenë të gjitha vendet e Ballkanit Perëndimor.
Në kuadër të këtij procesi, nga ekzekutivi kosovar kanë thënë se gjashtë shtetet e Ballkanit Perëndimor janë pajtuar për nënshkrimin e ujdive për njohjen reciproke të letërnjoftimeve, të diplomave universitare dhe të kualifikimeve profesionale.
Zëdhënësi i Qeverisë së Kosovës, Përparim Kryeziu, ka deklaruar se pas hyrjes në fuqi të këtyre marrëveshjeve, fillon edhe konkretisht zbatimi i tregut të përbashkët rajonal, i cili do të bëjë heqjen graduale të kufizimeve dhe barrierave mes mbi 17 milionë banorëve të Ballkanit Perëndimor.
Dinamizmin e Procesit të Berlinit e mbështesin edhe opozita dhe shoqëria civile në Kosovë.
https://teve1.info/lajmet/scholz-samiti-i-berlinit-synon-te-pershpejtoje-integrimin-ne-be-te-ballkanit-perendimor/
