Andaj sipas tij, rrahja e së moshuarës në shtëpinë e pleqve “Orenda”, tregon se shoqëria në Kosovë është shumë toleruese ndaj dhunës.
“Dhuna si fenomen social është shumë e shprehur në shoqërinë kosovare dhe kjo dalëngadalë po e tregon atë anën e errët të degradimit të shoqërisë. Në aspektin social është edhe një indikator që shoqëria kosovare po shkon drejt një degradimi me këto raste të dhunës. Ky rasti i fundit tregon një indikator që institucionet por edhe shoqëria duhet të jenë një zë i fuqishëm ndaj rasteve të tilla. Jemi shumë tolerues ndaj dhunës”, deklaroi Kamberi përmes një lidhjeje direkte në emisionin “Infonata” në Tëvë1.
Ndërsa, i pyetur se cilat mund të kenë qenë shkaqet e dhunës ndaj të moshuarës, Kamberi tha se ende nuk kanë njohuri se cilat mund të jenë ato.
“Mirëpo, në përgjithësi shkaqet e shpërfaqjes së dhunës në shoqërinë kosovare janë tolerimet e mëdha në dhunë, faktorë tjerë janë edhe faktorët socioekonomikë dhe stresi post-traumatik”, shtoi tutje ai./Tëvë1.info/.
