Kastrati thotë se ky rast duhet të fillojë me një vlerësim të detajuar nga komisionet përkatëse në mënyrë që të arrihet ndëshkimi i merituar për infermierën që ushtroi dhunë ndaj 70-vjeçares.
Ai theksoi se qendra të tilla duhet të kenë në funksion edhe psikolog.
“Kjo paaftësi pastaj i bën të moshuarit të kërkojnë përkujdesje të shëndoshë në këto qendra dhe mendoj që pikërisht në radhë të parë, këto qendra duhet të kenë në funksion edhe rolin e psikologut këshillues, rolin e psikologut terapist, për t’i realizuar të gjitha vlerësimet e detajuara psikologjike dhe neuropsikologjike ndaj këtyre të moshuarve”, tha ai në “Info Nata” në Tëvë 1.
Psikologu Kastrati po ashtu tregoi edhe disa nga motivet që qojnë në një sjellje të tillë.
“Motivet e një sjelljeje të tillë të dhunshme, violente, të ashpërsuar, burojnë nga çrregullime të personalitetit, pastaj burimojnë edhe nga sjellje të ç’organizuara të incidentit të cilët nuk njohin në asnjë formë standartet dhe rregullat e shoqërisë”, shtoi ai.
Tutje, ai potencoi se institucionet përkatëse duhet të marrin masa në zgjidhjen e këtij problemi. /Teve.info/
