Kurti e ka cilësuar këtë vepër si të tmerrshme, përcjell teve1.info
Ai po ashtu ka theksuar se do qëndrojnë pranë të moshuarve si me vendime, ashtu edhe me përgjegjësi qeveritare.
“Ajo që pamë sot ishte e tmerrshme. Nuk ka qytetar i cili s’është shokuar, kurse institucionet me të marrë vesh sulmin mbi nënën, të moshuaren, në Qendrën Strehimore në Pejë, janë aktivizuar dhe kanë vepruar. Të moshuarit janë më të dashurit tanë. Ata kanë kontribuar në shoqëri në aq shumë aspekte për kohën më të gjatë sesa të gjithë ne të tjerët. Do të qëndrojmë pranë tyre si me vendime e përgjegjësi qeveritare, gjithashtu edhe me ndenjën dhe përkujdesjen qytetare”, ka shkruar ai në Facebook.
Një 70-vjeçare është rrahur nga një infermiere në shtëpinë publiko-private të pleqve “Orenda” në Pejë. Dyshohet se sulmi ka ndodhur para tre apo katër ditësh. Lidhur me rastin, janë arrestuar tri infermiere të cilat janë dërguar në mbajtje për 48 orë.
Ndërkaq familjarë të viktimës kanë bërë të ditur se gjendja e të moshuarës është e mirë, por e njëjta është e shqetësuar dhe duke marrë hapa qetësimi. /Teve1.info/
