Sipas njoftimit, në këtë konferencë do të njoftohen të gjithë më afër me ngjarjen që i ka tronditur të gjithë.
Edhe ministri i Punëve të Brendshme, Xhelal Sveçla ka dënuar ashpër rastin e sulmit ndaj një të moshuare nga dy infermiere në një shtëpi të pleqve në Pejë.
Përmes një postimi në Facebook, ai bëri thirrje për sjelljen para drejtësisë të të gjithë personave të implikuar në këtë akt.
“Veprime të tilla të dhunës janë të papranueshme kudo që ndodhin, por në veçanti janë më të rënda kur ndodhin brenda institucioneve që konsiderohen të ofrojnë ndihmë dhe përkujdesje. Nga Policia e Kosovës jam njoftuar që deri më tani janë arrestuar dy nga dhunueset dhe hetimet po vazhdojnë. Fuqishëm bëj thirrje për sjelljen para drejtësisë të të gjithë personave të implikuar në këtë akt çnjerëzor”, thuhet në postimin e tij.
Lidhur me rastin ka reaguar edhe kryetari i Pejës, Gazmend Muhaxheri i cili dënoi aktin dhe bëri të ditur se Komuna nuk menaxhon me asnjë institucion i cili ofron këso shërbimesh.
Ndërkaq, lidhur me rastin Policia e Kosovës ka njoftuar se dy të dyshuarat janë ndalur për 48 orë në ndalim policor./teve1.info/.