Ky plan i qeverisë për targa është planifikuar të zbatohet në katër faza.
Për tri javë, duke filluar nga data 1 nëntor deri më 21 nëntor, masa do të jetë ajo e qortimit. Pastaj, nga 21 nëntori, për dy muaj deri më 21 janar do të jetë masa e gjobitjes dhe më pastaj nga 21 janari do të kemi targa provuese për dy muaj të tjerë, pas së cilës datë, më 21 prill nuk mund të ketë sepse nuk mund të lejohen targa të tjera në Republikën e Kosovës.
Por, ky vendim nuk u prit fortë mirë nga qytetarët, të cilët thonë se shprehen të shqetësuar se me këto veprime do të prishin raportet me Amerikën.
“Qortimi, mendoj se Kurti është duke i bërë do sene, ishalla nuk prishet krejt me Amerikën sepse tollovi është puna, e nuk prishet me ndërkombëtarët dhe Amerikën”, tha qytetari, Sherif Kabashi.
Qortimin, njëri nga qytetarët nuk po e sheh si fazë të duhur.
“Ka pas kohë për targa, çfarë qortimi, qortohen anëtarët e familjes sepse qortim në komunikacion nuk e di…” tha qytetari, Adem Izmaku.
Derisa qytetari tjetër, Bajram Gashi, nuk ka shumë besim që këto do masa do kenë efekt.
“Në 2016 është nënshkru nga Serbët në Bruksel, mirëpo kurrë nuk i kanë rënë mas me e realizu, nuk ka udhëheqësi qysh duhet, kjo është dashur moti të kryhet. Krejt shpresat kanë humb, kjo është vetëm çështje kohe”, tha ai.
Ndërkaq ndryshe mendon njëri nga qytetarët.
“Me vend dhe me mend, e duhur dhe në kohë të duhur”, tha një tjetër qytetar.
Kujtojmë se përkundër kërkesave të SHBA-së dhe BE-së për shtyrjen e afatit targa për 10 muaj, Qeveria e Kosovës vendosi ta zbatojë vendimin në katër faza.
Kronika e gazetares Lendrina Kodrolli.
