Tëvë1 ka siguruar dokumentin zyrtar të dorëheqjes së Shalës nga pozita e zëvendësministres së Drejtësisë.
Në dokument thuhet se kjo dorëheqje ka ardhur si pasojë e vendimit të Këshillit Drejtues të Universitetit të Prishtinës, i cili ndalon emërimin dhe avancimin e stafit akademik që shërbejnë në detyra publike.
“Marrë parasysh përgatitjen time dhe përkushtimin tim për të kontribuuar në ngritjen e brezave të juristëve të rinj në Republikën tonë, vazhdimi i ushtrimit të funksionit të zëvendësministres është pengesë në përmbushjen e qëllimeve akademike”, thuhet në dokument.
Teksa ka thekuar se shërbimi në pozitën e zëvendësministres në kabinetin qeveritar të kryeministrit Kurti ka qenë nder për të dhe për këtë i është mirënjohëse.
Ndryshe Nita Shala është emëruar në këtë post nga kryeministri, Albin Kurti në mars të vitit 2021./teve1.info.
