Siç raporton “Kosovo online”, vetura drejtohej nga një grua, e cila ka deklaruar se nuk ka pasur shqetësime, përcjell teve1.info
Ajo ka bërë të ditur se policët i kanë dorëzuar një fletë me udhëzime për regjistrim.
Siç ka shtuar ajo, nuk planifikon ta regjistrojë veturën në “RKS”, por është në pritje të vendimit të Beogradit.
Duke filluar nga sot, të gjithë pronarëve të makinave me targa serbe në Kosovë, do t’iu shqiptohet masë qortimi pas mosndërrimit të targave në RKS, proces ky që do zgjasë deri më 21 nëntor.
Sipas masave të marra nga Qeveria e Kosovës, nga 21 nëntori deri më 21 janar, pronarët që kanë ende makina me targat serbe në Kosovë, do të gjobiten me 150 euro. /Teve1.info/
