Por, ai në emisionin “Ditari” në tëvë1 thotë se partia në pushtet është e majtë dhe sipas tij, është e pritshme nga ta që mjetet t’i rishpërndajnë përmes skemave të ndryshme.
“Realisht partia në pushtet i përket një ideologjie ekonomike kryesisht të majtë edhe është shumë e pritshme që politikat t’i hartojnë në rishpërndarjen e të ardhurave të vendit përmes skemave të ndryshme buxhetore që sjellin të ardhura për individin dhe jo në kuptimin e investimit”, tha Avdiaj.
Sipas tij, në qeverisjen aktuale por edhe paraprake janë përdorur politika populiste në rishpërndarjen e mjeteve financiare në mënyrë që t’i mbajnë më afër votuesit e tyre.
“Por kur e shohim prapë po them edhe politikisht në kuptimin e politikbërjes në vendin tonë kryesisht politikat që kanë ndjekur të rishpërndarjes së tyre te individët kanë qenë të natyrës populiste edhe në të kaluarën pavarësisht se ka pasur raste të partive të djathta kanë ndjekur politika të tilla për të pasur përkrahjen e masave të gjera të qytetarëve”, tha ai./teve1.info/
