Ish-komandanti i UÇK-së në Betejën e Koshares theksoi se kjo ishte e rëndë ta dëgjojnë shqiptarët.
“Nuk ka qenë korrekte të mirret model struktura. Dhe deputeti Rashit Qalaj, nëse nuk gaboj, e prezantoi përmbajtjen e njëjtë me dy dokumente serbe dhe shqiptare. Pra kjo ishte e rëndë si gjuhë në Kuvendin e Kosovës, është e rëndë me dëgju shqiptarët në rend të parë, qytetarët tanë. Kosova nuk është shkëput përmes Badinterit nga Jugosllavia, përmes luftës”, tha ai në “Këndi i Debatit” në Tëvë 1.
Sipas tij, modeli i kësaj Strategjie është shumë larg atyre rreziqeve me të cilat përballen qytetarët e vendit.
“Ka modele shtetesh që janë shumë më afër Kosovës. Identifikimi i rreziqeve, janë shumë larg atyre rreziqeve që e përcjellin dhe e përballin me pasiguri qytetarin e Kosovës në vazhdimësi. Pra është shku në nivelin e përshkrimit të rreziqeve që përkojnë me shtetet që kanë një zhvillim enorm ekonomik, një standard të lartë, një sistem të lartë të kontrollit e të komandimit brenda vendit të tyre, dhe janë parashiku disa rreziqe janë reale ekzistojnë, mirëpo në Kosovë ka disa rreziqe shumë më të rëndomta”, shtoi ai.
Draft-Strategjia e sigurisë për Kosovën 2002-2027 është miratuar në lexim të parë në Kuvend të hënën. E njëjta u kritikua nga opozita, të cilët thanë se nuk i përgjigjet sfidave të kohës. /Teve1.info/
