I ftuar në emisionin “Këndi i Debatit” në tëvë1, Fetoshi vlerëson se nëse nuk do të ketë reflektim nga ana e Qeverisë, atëherë situata mund të përshkallëzohet sikur më 31 korrik të këtij viti në veri të vendit.
“Jam i bindur se Qeveria natyrisht ka informacione më shumë se ne dhe unë besoj që Qeveria duhet të marrë vendim duke u bazuar në informatat që i ka. Sa i përket situatës në veri jam i bindur nëse nuk do të ketë reflektim do të kemi situatë të ngjashme, ndoshta më dramatike se ajo e 31 korrikut me çështjen e letërnjoftimeve dhe në këtë sens mendoj që Qeveria është duke matur, kalkuluar nëse duhet t’i përmbahet vendimit të mëtutjeshëm”, tha ai.
Tutje, duke folur për procesin e dialogut me Serbinë, profesori potencon se është pritur se gjatë Qeverisë Kurti të ndryshohet modeli i dialogut.
“E kam thënë disa herë që me Qeverinë Kurti duke iu referu një periudhe shumë të gjatë dialogut është dashtë të rezistohet në kuptim të ndryshimit të modelit të dialogut nga një model induktiv në deduktiv”, tha ai.
Kjo, sipas tij, për shkak se gjatë 10 vjetëve Serbia ka qenë ajo që ka përdorur këtë model në mënyrë që t’iu ikë detyrave të saj drejt marrëveshjes finale.
“Pra atë që e kam thënë kemi provuar me ndërmjetësimin e BE-së që marrëveshjen finale ta realizojmë përmes krijimit të parakushteve duke shkuar hap pas hapi në zgjidhje konkrete derisa kjo dekadë ka dëshmuar që kjo qasje është e padobishme sepse Serbia ka shfrytëzu këtë model për të blerë kohë dhe shmangë detyrimin e saj drejt marrëveshjes finale… Pikërisht këtu besoj është dashtë me rezistu të jetë më e zëshme të kalohet në model të ri”, shtoi ai.
Madje, Fetoshi vlerëson se intensifikimi i faktorit ndërkombëtar nënkupton për një përbmyllje të shpejt në këtë proces./teve1.info/
