Kjo pasi leja e tyre për ta ndërtuar selinë e re këtu, po kontestohet nga niveli qendror e ai lokal.
Kundër ndërtimit të selisë së re të Bashkësisë Islame në parcelën e ndarë nga pushteti i kaluar, kanë dalë edhe disa banorëtëkësaj lagjeje.
Bajrami thotë se edhe shiritat e vendosur nga inspektorati, u larguan nga vet kompania e kontraktuar nga BIK.
Por, fjalë të tjera kanë në Këshillin e Bashkësisë Islame në Gjilan.
Këta thonë se për këtë ndertim janë të pajisur me leje.
Ndërsa për këtë, rastin e fituan edhe në Gjykatën e Apelit.
“Pas dy ditëve që kemi filluar punimet, drejtoria e Urbanizmit na i ka pezullu lejën. Na është thënë që e keni lejen për montazhë, pastaj na është thënë që auditori i brendshëm ka gjetur shkelje”¸tha Naim Aliu, kryetar i KBI-së, Gjilan.
E ky rast, në Komunën e Gjilanit, të hënën solli edhe inspektoratin e Trashëgimisë Kulturore të Ministrisë së Kulturës.
Këta mbajtën një takim njëorësh me drejtorin e urbanizmit në këtë komunë.
Ndërsa me vete sollën këtë vendim.
“Ne e kemi pezullu lejen ndërtimore, por BIK na i ka prezantua një vendim të Gjykatës se Apelit e cila kërkon që të bëhet shtyrja e pezullimit….ndërkohe edhe ministria e ambientit na i ka prezantua vendimin në takimin e fundit i cili kërkon ndaljen e punimeve meqenëse nuk është respektuar zona e mbrojtur”, tha Ali Arifi, Drejtor në Drejtorinë e Urbanizmit në Komunën e Gjilanit.
Në vendimin e fundit të Ministrisë së Kulturës, po ashtu thuhet se obligohet pala që para secilit veprim në këtë hapësirë, të sigurojë aprovimet e nga ana e institucioneve të trashëgimisë kulturore.
Kronika e gazetarit Fidan Zejnullahu.
