Kryetari i LVV-së, Albin Kurti ka mbajtur një fjalim para Këshillit duke përmendur të arriturat gjatë rrugëtimit të kësaj Lëvizjeje.
Ai përmendi edhe formimin e Qeverisë Kurti 1 me Lidhjen Demokratike të Kosovës në shkurt të vitit 2020.
Sipas tij, kjo Qeveri nuk zgjati shumë për shkak se “partneri i tyre ishte jo i qëndrueshëm për interesa shtetërore e kombëtare”.
“Në tetor të vitit 2019 dolëm të parët në zgjedhje, dhe në shkurt të vitit 2020 e krijuam qeverinë e parë të udhëhequr nga Lëvizja VETËVENDOSJE!, qeveria Kurti 1 siç po e quajnë ata që kanë qejf të numërojnë. Kjo qeveri nuk zgjati shumë sepse na qëlloi partneri jo i qëndrueshëm për interesa shtetërore e kombëtare. Në tetor të vitit 2019 dolëm të parët në zgjedhje, dhe në shkurt të vitit 2020 e krijuam qeverinë e parë të udhëhequr nga Lëvizja VETËVENDOSJE!, qeveria Kurti 1 siç po e quajnë ata që kanë qejf të numërojnë. Kjo qeveri nuk zgjati shumë sepse na qëlloi partneri jo i qëndrueshëm për interesa shtetërore e kombëtare”, tha Kurti.
Tutje, kryeministri ka përmendur edhe fitoren e LVV-së më 14 shkurt 2021 me mbi 50 për qind të votave.
“E sot e kemi qeverinë sërish nën drejtimin e Lëvizjes VETËVENDOSJE!, në aleancë me Guxo e Alternativën, që po e quajnë qeveria Kurti 2, ata që kanë qejf të numërojnë. Nuk do t´ua prishim qejfin, nuk do t´ua ndalim numërimin”, tha Kurti.
Po ashtu, kryeministri foli edhe për momentet jo të mira, që i pati Vetëvendosje gjatë viteve të fundit.
Madje, ai theksoi performancën jo të mirë në zgjedhjet lokale të kësaj lëvizjeje.
“Ka pasur edhe momente jo fort të mira, si performanca në zgjedhje lokale në komunat që udhëheqim, pasi i fituam vetëm katër prej tyre. Për këto kemi diskutuar gjatë nëpër mbledhje, kemi bërë vetëkritikë dhe kemi punuar drejt zgjidhjes së problemit”, ka shtuar ai./teve1.info/
