Kështu është shprehur ajo në një konferencë për media së bashku me presidentin e Maltës, George Vella teksa është pyetur për deklaratat e Emisarit amerikan për Ballkanin Perëndimor, Gabriel Escobar i cili tha se e përkrahin një gjë të tillë.
“Sa i përket marrëveshjes finale, SHBA asnjëherë nuk kanë kërkuar nga Kosova një marrëveshje finale pa njohje reciproke, po ashtu më lejoni ta potencojë një gjë që është rikonfirmuar jo vetëm brenda Kosovës edhe nga partnerët tanë më shumë sesa një herë. Kjo është që njohja reciproke është e vetmja zgjidhje e cila sjellë paqe dhe stabilitet afatgjatë në rajonin tonë janë tjetër gjë propozimet për marrëeshjet specifike që diskutoihen në Bruskel”, tha ajo.
Sipas saj, njohja reciproke është domosdoshmëri të jetë pjesë e marrëveshjes finale – gjë që Osmani thekson se është kërkesë e presidentit amerikan, Joe Biden dhe sekretarit, Anthony Blinken.
“Megjithatë nuk ka pasur kërkesë qoftë nga SHBA partnerët tjerë brenda BE asnjëherë që Kosova të heq dorë nga kërkesa për njohje reciproke sepse të gjithë e kuptojmë se është domosdoshmëri e cila e përmbyllë një kapitull të dhimbshëm të asaj se çfarë ka ngjarë në këto dekada në Ballkan që kanë qenë lufta të tmerrshme nga ana e krimit gjenocidal të Serbisë. Prandaj njohja është domsdoshmëri të jetë pjesë e marrëveshjes finale kurse sic e dini qëndrimi amerikan ka qenë dhe është i qartë. Biden me shkrim ka kërkuar që njohja reciproke të jetë në qendër të ëktij procesi po ashtu edhe Blinken dhe Kosova as nuk ka interes as qëllim që të largohet nga kjo kërkesë si pjesë e marrëveshjes finale”, shtoi ajo.
Po ashtu, presidentja foli edhe për konvertimin e targave ilegale nga serbët e Kosovës në ato legale “RKS”.
Ajo bëri të ditur se deri më tash 90 për qind e serbëve të Kosovës i kanë konvertuar targat, duke shtuar se ka pasur afat të mjaftueshëm për këtë proces.
“Çështja e targave mbi të gjitha është çështje e sundimit të ligjit, sepse mbi 90% e serbëve që jetojnë në Kosovë tashmë i kanë konvertuar targat e së kaluarës në targa të ligjshme. Pra, e kanë respektuar ligjin dhe njëkohësisht kanë kontribuar në sundim të ligjit dhe në trajtim të të gjithëve në mënyrë të barabartë para ligjit”, shtoi ajo./teve1.info/
