Haxhiu theksoi faktin se në Qeverinë e Kosovës janë miratuar një sërë ndryshimesh, në Kodin Penal, si dhe të Procedurës Penale, e se të njëjtat ndryshime pret që të miratohen në Kuvend.
“Janë miratuar në qeveri, një sërë ndryshimesh në Kodin Penal dhe Kodin e Procedurës Penale. Ndalimi i kandidimit në çdo pozitë publike në nivel lokal dhe qendror, ndalimi i punësimit në institucione publike në të gjitha nivelet, marrja e lejes së vozitjes e të gjitha kategorive, ndalimin e blerjes në ankande publike dhe shërbime tjera, ndalimi i aplikimit si investitor strategjik dhe privilegje tjera nga legjislacioni”, u shpreh Haxhiu.
Sipas saj, për këto vepra do të shkurtohen afatet e gjykimit ashtu që të njëjtat nuk do të zgjasin më shumë se 1 vit.
“Për dhunuesit nuk do të ketë zbatim të zbutjes së dënimit, për dhunuesit do të zbatohet vetëm masë e paraburgimit”, ka thënë Haxhiu, duke shtuar se këto ndryshime janë të domosdoshme.
Tutje Haxhiu ka thënë se feminizmi është për të gjithë.
