Sipas ministrit ukrainas sulmi ajror dhe raketor nga Rusia e Bjellorusia mbi ndërtesat e banimit e mbi shkolla, është sjellje frikacake e atyre që nuk kanë nderë, shkruan teve1.info
“Sulm ajror dhe raketor nga Rusia dhe Bjellorusia mbi ndërtesat e banimit dhe shkollat, granatimet e materniteteve – kjo është sjellje frikacake e atyre që nuk kanë nder”, thuhet në njoftim.
Madje ministri i Mbrojtjes pas këtij sulmi ushtarët rus i ka quajtur terroristë.
“Ata nuk janë ushtarakë – ata janë terroristë, përfaqësues të shtetit terrorist dhe kjo shenjë do të jetë me ta për një kohë të gjatë”, ka shkruar Reznikovka.
Tutje ministri i Mbrojtjes së Ukrainës ka bërë me dije se shumë prej qyteteve e fshatrave po vuajnë nga terrori rus, Kharkiv, Mariupol dhe Kherson.
Ministri ka treguar se ka pasur edhe një bisedë me Sekretarin Amerikan të Mbrojtjes, Lloyd Austin.
“Dje pata një bisedë të gjatë me Sekretarin Amerikan të Mbrojtjes Lloyd Austin. Edhe ushtria amerikane me përvojë është e kënaqur me profesionalizmin e mbrojtësve tanë dhe qëndrueshmërinë e popullit tonë. Sasia e ndihmës që marrim po rritet. Numri i vendeve që ofrojnë ndihmën e tyre është në rritje. Edhe ato vende, që konsiderohen të pamundura për të ndihmuar, tani po i bashkohen”, ka thënë ministri.
“Evropa po bëhet prapavija jonë dhe po furnizon atë që është kritike për mbrojtjen. Ne jemi në ballë të botës së lirë”, ka shkruar ministri./teve1.info