Avdia në emisionin “Info Nata” në Tëvë1, tha se Qeveria duhet të ketë një draft-statut gati.
“Draft-statuti për Asociacionin është testim matës e cila pas kësaj do të ketë një tentativë tjetër, por e mira e së mirës është që të jetë një draft-statut gati nga Qeveria. Një statut i tillë që përshtatet më shumë për interesat tona dhe në bazë të ligjeve të BE-së dhe të drejtat e njeriut është ai statuti që kanë komunat tona këtu dhe në bazë të asaj mund të jepet një element tjetër që është barazia”, theksoi ai.
Ai thotë se asnjë parti parlamentare dhe asnjë deputet shqiptar nuk mund ta votojë draft-statutin e quajtur “gjerman” për Asociacionin. Sipas tij, në qoftë se një deputetë e voton atë e shkatërron shtetësinë e Kosovës.
“Unë nuk mendoj që asnjë parti parlamentare dhe as deputet shqiptar që mund ta votojnë atë draft-statut. Dhe në qoftë se një deputet e voton atë draft-statut shkatërron tërësisht shtetësinë e Kosovës dhe pavarësinë e saj”, deklaroi Avdia. /Teve1.info/
