Kështu po thotë anëtarja e Komisionit për Punë të Jashtme nga radhët e PDK-së, Ariana Shoshi – Musliu.
Ajo kritikon Kurtin për mostransparencë, derisa thotë se nuk po dihet fati që e pret Kosovën.
“Personalisht mendoj që nuk duhet pranuar asnjë marrëveshje qe është në kundërshtim me atë që ne jemi sot, pra njohjen e Kosovës shtet të pavarur dhe sovran. Sot, kemi një kryeministër me +50% të besimit të qyetatarëve nuk e dijmë cili është qëndrimi i tij, çka negocion dhe cili është fati i vendit tonë”, tha ajo.
Por situata po i duket e rrezikshme, Partisë Socialdemokrate që po e kritikon Kurtin për mostransparencë.
Kurse, Haki Abazi, deputet i partisë së shefit të qeverisë, konfirmon se dialogu ka filluar të bëhet më intensiv.
Thotë se Asociacioni i komunave me shumicë serbe do të bëhet sipas Kushtetutës së Kosovës.
“Nuk ka propozim gjerman, ka vetëm një propozim është Asociacioni i komunave, i cili duhet të formohet bazuar në ligjet ekzistuese të vendit. Nuk ka Asociacion që mund t’i kalojë ligjet dhe Kushtetutën e vendit. Nuk mundet një shtet që ka bërë gjenocid në të kaluarën të vendosë kushte për qytetarët e Kosovës”, tha Abazi.
Tëvë1 ka tentuar të marrë deklarime edhe nga partitë tjera kosovare për qëndrimet e tyre se cila është marrëveshja me Serbinë që do të ishte e pranueshme, mirëpo nuk kanë pranuar të flasin.
Derisa, ditëve të fundit në Kosovë, kanë qëndruar dy figurat kryesore ndërkombëtare për dialogun Kosovë – Serbi, Gabriel Escobar dhe Miroslav Lajcak.
Ata janë takuar me krerët më të lartë të vendit dhe temë diskutimi ka qenë dialogu me palën serbe.
Kronika e gazetarit Arton Rama.
