Bajçinca ishte përjashtua nga puna nën akuzën se ka kryer keqtrajtim në një aksion policor së bashku me 11 kolegë të tij.
Ai thotë se me këtë arrestim është shkelur e drejta e tyre elementare nga një hetim siç e quan jo profesional
“Ne jemi ekspozuar para disa akuzave nga instuticioni i IPK-së, prokuroria e më pas edhe nga Policia e Kosovës e cila i ka dhënë vulë kësaj maratone të hetimit jo profesional. Jemi arrestuar më 5 mars për një rast që ka ndodhur në vitin 2019. Jemi arrestuar 1 vit e gjysmë më vonë në vitin 2021. Fillimisht na është thënë se akuzohemi për disa vepra penale, më pas ka dal që akuzohemi vetëm për keqtrajtim gjatë ushtrimit të detyrës zyrtare. Në mesin e 12 kolegëve që jemi arrestuar ka pas edhe zyrtarë të cilët janë akuzuar për përdorim të narkotikëve. Pas dy dite ka dalë që nuk ka pas diçka, ato akuza kanë qenë shkel e shko”, tha ai.
Tutje në emisionin “Info Nata”, Bajçinca tha se me këtë përjashtim ka pasur shkelje të jashtëzakonshme.
“Jemi arrestuar me një shou mediatik prej Inspektoratit të Policisë….Nuk e di kujt ju ka dashtë kjo, por dikujt ju ka dashtë. Pasi jemi larguar ne nga puna ka filluar një hetim tjetër nga ana e standardeve profesionale në Policinë e Kosovës, diku përfshinë 50 policë me aq sa kam dëgjuar dhe pjese e atyre që do të hetohen është edhe një i afërm i ish-drejtorit të Policisë së Kosovës Sabedin Mehmetit. Nga fillimi që jemi larguar e deri më tash e kemi parë që ka pasur shkelje të jashtëzakonshme, e para ne kemi qëndruar 19 muaj të suspenduar… është shkelur udhëzimi administrativ”, deklaroi ai.
Më tej, ai tha se nëse ka drejtësi do të ktehet në polici pasi vendimi ndaj tij është i pabazë. /Teve1.info/