Imeri ka thënë se ka shumë të panjohura rreth këtij drafti dhe sipas tij, gjëja e parë që duhet të vërtetohet është të dihet autorësia reale.
“Ka shumë të panjohura rreth tij, është kaq serioz sepse po fol për organizimin e brendshëm të Kosovës, për temën kryesore që ka përcaktuar gjithë agjendën politike që nga negociatat e këtej dhe prandaj po merret me kaq seriozitet. Gjëja e parë që duhet të vërtetohet në këtë mes, të dihet autorësia reale e këtij dokumenti”, ka deklaruar Imeri në emisionin “Ditari” në Tëvë1.
Ai shton se nëse ky dokument është i shkruar nga Qeveria gjermane, Kosova duhet ta marrë në konsideratë për ta shqyrtuar.
“Nëse dokumenti është shkruar nga Qeveria gjermane dhe është i propozuar si i tillë për palët si një mundësi e kapërcimit të problemit, atëherë Qeveria e Kosovës duhet të marrë në konsideratë jo për ta zbatuar, por për ta shqyrtuar”, theksoi Imeri.
Sipas tij, nëse Qeveria gjermane nuk merr autorësinë se qëndron prapa këtij projekti, atëherë ky projekt do të marrë dhenë sikur të tjerët që nuk janë përfillur.
Ndërkaq, sot nga Qeveria gjermane kanë folur për Teve1.info në lidhje me draft-statutin për Asociacionin, ku kanë thënë se në takimet e fundit të nivelit të lartë kjo është nënvizuar dhe propozimet për këtë qëllim janë diskutuar në mënyrë konfidenciale dhe të njëjtat diskutime po vazhdojnë. /Teve1.info/