Isufi në emisionin “Ditari” në Tëvë1, tha se vetëm në Kosovë ndodh që Qeveria tërë kohën merret me video-incizime dhe akuza ndaj opozitës.
“Qeveria nuk është për të akuzuar, ajo është për të marrë vendime dhe për të zbatuar vendime të tilla dhe jo për t’u grindur me opozitën. Vetëm në Kosovë ndodh që Qeveria tërë kohën merret me video-incizime, me akuza ndaj opozitës dhe nuk i bën veprimet e duhura në raport me qytetarët e Kosovës”, ka deklaruar ai.
Po ashtu, Isufi shton se Qeveria nga pamundësia që të zgjidh çështje të rëndësishme për vendin, merret me propagandë.
“Nga pamundësia që të zgjidhin çështje të rëndësishme për vendin siç është dialogu dhe temat e rënda të cilat po e rëndojnë jetën e qytetarëve, atëherë po merren propagandë. Kjo është mënyra më e gabuar”, tha më tej ai.
Lëvizja Vetëvendosje parapak ditëh ka plasuar edhe videon e tretë me radhë, në të cilën i akuzon partitë opozitare për keqqeverisje në të kaluarën. /Teve1.info/
