Ai tha se ORCA ka 6 vite që i monitoron proceset akademike në UP dhe sa i përket menaxhmentit aktual nuk ka asnjë vërejtje a kritikë thelbësore për të gjitha çështjet që lidhen me proceset akademike.
Nismën për shkarkimit të rektorit të UP-së nga organizatat monitoruese e cilëson si tendencioze dhe pa asnjë bazë.
“Nisma e tillë është tejet tendencioze dhe nuk ka kurrfarë baze faktike dhe reale. Nëse Këshilli Drejtues sepse nesër është mbledhja që vendoset për shkarkimin e rektorit ose jo, nëse ata arrijnë të na dëshmojnë se kanë të drejtë dhe kanë arsye, ne i presim me argumente, por ne e dimë se kjo po bëhet në saje të ndonjë ndërhyrje që duhet të na sqarojnë vet ata sepse nuk ka mundësi që për punën e mrekullueshme që është duke e bërë një menaxhment, të vijë një tendencë e tillë është komplet e papranueshme”, tha Hoxha.
Tutje gjatë emisionit “Ditari” në Tëvë1 Hoxha tha se përbërja e Këshillit Drejtues në UP, është shumë problematike.
“Përbërja aktuale e Këshillit Drejtues është shumë problematike, aty janë dy persona, njëri prej tyre është Rifat Krasniqi, tjetri është një plagjiator i verifikuar, i dëshmuar, është Selim Bezera, të dy personat në organin më të lartë qeverisës do t’i përcaktojnë fatet e rektorëve, qoftë shkarkime apo ngarkime”, tha ai.
Ai tha se organizata e shoqërisë civile nuk do të lejojë të ndodhin ndërhyrje të tilla, pasi që sipas tij, nuk ka asnjë arsye për shkarkimin e rektorit Sahiti.
“Nëse bazohemi në përformancë nuk ka asnjë arsye për ta shkarkuar rektorin… kur të ndodhë shkarkimi nëse ndodhë atëherë ata duhet të na dëshmojnë me një letër arsyet e shkarkimit”, shtoi Hoxha.
Lidhur me këtë iniciativë kanë reaguar të mërkurën 19 organizata të shoqërisë civile të cilat janë deklaruar se denoncojmë çdo tentativë të shkarkimit të zyrtarëve të institucioneve të arsimit të lartë pa u bazuar në gjetje reale të keqpërdorimeve të mundshme të tyre.
Ndërkohë, Rektori i Universitetit të Prishtinës, Naser Sahiti, ka mbajtur konferencë për media ku ka folur për zhvillimet e fundit në UP.
https://teve1.info/lajmet/sahiti-zgjedhja-e-anetareve-te-kd-se-nga-mashti-eshte-bere-me-qellim-qe-te-shkarkohet-menaxhmenti-i-up-se/