“Për herë të parë kemi parë një refleks të paparë të Rusisë kundrejt zgjerimit të NATO-s, vazhdimisht Rusia ka refuzuar të pranojë tendencën e NATO-s për zgjerim në Lindje, ka qenë viti 2008 ku për herë të parë në Bukuresht, Shtetet e Bashkuara të Amerikës dhe NATO deklarojnë publikisht mundësinë e anëtarësimit të Ukrainës dhe të Gjeorgjisë në NATO. Ky është fundi i ëndrrës amerikane për zgjerimin e NATO-s në Ukrainë, duhet të pushojmë së menduari për përfshirjen e Ukrainës në NATO”, ka vlerësuar Behluli.
Ai më tej ka thënë se pas 70 vitesh po përfshihen dy shtete të mëdha Evropiane në një luftë.
“Kjo është lufta e parë ndërshtetërore në Evropë, pas luftë se dytë botërore që një superfuqi, një fuqi nukleare është e përfshirë drejtë për drejtë”, shtoi tutje.
Behluli tha se një gjë tjetër që do të ndikojë gjeopolitikisht e një lufte të tillë, është aspekti i zgjerimit të NATO-s.
Ai pretendoi se ndikimet gjeopolitike do të jenë më të mëdha se ato ekonomike.
