Ai është pritur nga presidentja e Kosovës, Vjosa Osmani me të cilën pas takimit do kenë konferencë të përbashkët për media.
Escobar gjatë ditës do të ketë takim edhe me kryeministrin e Kosovës, Albin Kurti.
Takimi është paraparë të zhvillohet në ora 09:50, raporton teve1.info.
Ai do të ketë takime edhe me liderët e partive opozitare gjatë mesditës.
Vizita e Escboar vije në kohën kur po vlerësohet se dialogu Kosovë-Serbi ka hy në një fazë të re ku një marrëveshje përfundimtare po parashihet se mund të ndodhë gjatë vitit 2023.
Sipas burimeve teve1.info edhe përfaqësuesi i BE-së për dialogun Kosovë- Serbi, Miroslav Lajçak të enjten do ta vizitojë Kosovën.
Përveç Bashkimit Evropian i cili është lehtësues në këtë proces edhe shtete tjera kanë angazhuar përfaqësues të tyre në dialog.
Muaj më parë kancelari gjerman dhe presidenti francez kanë angazhuar këshilltarët e tyre për dialogun. Këta edhe kanë prezantuar një kornizë të re për dialogun e cila ende nuk është bërë publike.
Por, kryeministri i Kosovës, Albin Kurti ka thënë se kjo kornizë më shumë është si mbështetje për përfaqësuesin BE-së në dialog, Miroslav Lajçak, dhe se nuk ka diçka përfundimtare sipas tij.
Kurti ka thënë se propozime të tilla ka nga shumica e kryeqendrave të vendeve të BE-së.
Edhe Brtiania e Madhe kohë më parë ka emëruar një të dërguar të Posaçëm për Ballkanin Perëndimor./teve1.info/