Elezaj në emisionin “Këndi i Debatit”, tha se Rusia nuk është ajo fuqia për të cilën kemi menduar.
Sipas tij, mund të konstatohet se kemi një dështim se nuk është ajo Rusia për të cilën është propaganduar. Ai thotë se frika është mundur përmes të panjohurës duke sajuar informacione të paqena në kontest të organizimit të luftës nga ana e Rusisë.
“E kemi parë se vërtet Federata Ruse nuk është ajo fuqia për të cilën është menduar dhe është dyshuar. Nëse e marrim për bazë numrin e raketave të cilat janë hedhur në Ukrainë, avionëve dhe mënyrën se si ata kanë tentuar të pushtojnë Ukrainën dhe në anën tjetër rezistencën, lirisht mund të konstatojmë se e kemi një dështim dhe mund të themi se nuk është ajo Rusia për të cilën është propaganduar. Mund të them më mirë propagandë sepse frika është mundur të përcillet përmes të panjohurës duke sajuar informacione të paqena në kontest të organizimit të luftës nga ana e Rusisë”, tha ai.
Po ashtu, Elezaj shtoi se “në aspekt të sigurisë ne mendojmë që e kemi parë një situatë të trishtë një disbalancë të forcave në terren, një strukturë të organizuar të Rusisë, që ka përdorur një arsenal tejet të madh”. /teve1.info/
