Këtu, zyrtarisht si kryetare e këtij subjekti politik figuron Donika Gërvalla Shëarz.
E këtë e ka vërtetuar edhe KQZ-ja.
“Më 14 shkurt 2022, iniciativa politike e quajtur GUXO, udhëheqëse e së cilës është znj. Donika Gërvalla Shwarz, ka dorëzuar aplikacionin për regjistrim. Zyra për Regjistrim të Partive Politike dhe Certifikim ka shqyrtuar dhe verifikuar të gjithë dokumentacionin e dorëzuar, përfshirën statusin, programin, aktin e themelimit, simbolin, raportin financiar, librezën e nënshkrimeve të përkrahjes nga votuesit e regjistruar si dhe janë bërë përmirësimet e nevojshme, duke plotësuar në këtë mënyrë të gjitha kërkesat ligjore për regjistrimin e partisë politike: GUXO. Kjo parti do të përfshihet në regjistrin e partive politike të regjistruara në Kosovë si partia e 50”, thuhet nw sqarimin e KQZ-së.
Mirëpo, deputeti i kësaj partie Burim Meta ka thënë se ende janë të dy bashkë-partiakët në krye të partisë.
Por që është vetëm Gërvalla e regjistruar nuk e ka parë Meta.
Në anën tjetër, njohësi i proceseve zgjedhore Mazllum Baraliu thotë se nuk ka asnjë pengesë në këtë drejtim.
Por Baraliu thekson se është dashur me kohë që të regjistrohen të dy kandidatët në Zyrën për Regjistrim të Partive Politike.
“Guxo” u bë Parti nga Lista në marsin e këtij viti.
Kronika e gazetares Fetije Kamberi.
