I pyetur se sa beson se në një të ardhme të afërt Kosova do të zërë vendin e saj në Këshillin e Evropës, Milo tha se kjo do të jetë e vështirë.
“Do të jetë një çështje e vështirë, nuk do të jetë çështje e një kohe të afërt sepse edhe atje funksionon mekanizmi i votës, edhe atje ka përfaqësues të vendeve të cilat nuk e kanë njohur deri tani Kosovën si shtet i pavarur dhe Këshilli i Evropës është një institucion i rëndësishëm politik ku qeveritë dhe vendet anëtare të tij respektojnë vendimet që marrin, sepse në fund të fundit janë të dërguar politikë të institucioneve të tyre dhe ato në Këshillin e Evropës patjetër që zbatojnë ose respektojnë qëndrimet politike që mbajnë në një çështje të caktuar”, tha ai,
Tutje Milo deklaroi se anëtarësimi i Kosovës në Këshillin e Evropës është një ekuacion që do të gjejë zgjidhje në momentin që do të ketë marrëveshje në mes të Kosovës dhe Serbisë.
“…Kështu që nuk pritet që të ndryshojnë shembull qëndrim në Këshillin e Evropës vendet e tilla si Spanja apo Qipro apo Rumani apo Sllovakia apo Greqia që nuk e njohin deri tani shtetin e pavarur të Kosovës dhe ajo do të ndodhë dhe do të jetë rrjedhojë e një ndryshimi cilësor në marrëdhëniet midis Kosovës dhe Serbisë. Është një ekuacion që për fat të keq e kërkon zgjidhjen dhe do ta gjejë zgjidhjen në momentin që do të ketë një marrëveshje në mes Kosovës dhe Serbisë”, shtoi Milo./Teve1.info/
