Në njoftimin e policisë thuhet se i lënduari është duke e marrë tretmanin mjekësor.
“Me datën 16.10.2022, rreth orës 08:00, nga Qendra Klinike Universitare, kemi marrë informatën se një person i lënduar është duke u trajtuar në institucionin e tyre. Menjëherë njësitet policore i janë përgjigjur rastit dhe kanë nisur një hetim lidhur me rrethanat e këtij rasti”, thuhet në njoftimin e Policisë.
Më tej, bëhet e ditur se personi i dyshuar është arrestuar dhe ndaj është iniciuar procedura për veprat Lëndim i lehtë trupor, asgjësim apo dëmtim i pasurisë si dhe mbajtje e në pronësi, kontroll ose posedim i paautorizuar i armës.
“Ka qenë reagimi i shpejtë i policisë, ai që ka mundësuar identifikimin dhe arrestimin e personit të dyshuar, të cilit i është sekuestruar një armë e ftohtë (thikë). Ndaj personit të dyshuar A.G, mashkull, 26 vjeç, është iniciuar procedurë për veprat, Lëndim i lehtë trupor, asgjësim apo dëmtim i pasurisë si dhe mbajtje e në pronësi, kontroll ose posedim i paautorizuar i armës”, thuhet më tej në njoftimin e Policisë. /teve1.info/
