Deputeti i PDK-së në Tëvë1 tha se papunësia dhe varfëria janë rritur i rezultat moslëshimit të parave në qarkullim nga ana e Qeverisë.
“Ju e keni parë se kryeministri me krekosje në Kuvendin e Kosovës ka thënë se 341 mijë persona mbulohen me mbështetje sociale dhe dikush atje tha ju qenkeni kundër të mbështeten. Jo unë jam kundër mbështetjes së njerëzve që jetojnë të varfër sepse të shndërrohen nga 60 mijë sa ka pasur Kosova në 341 mijë do të thotë se ti i ke prodhuar 341 mijë të varfër që sot varen nga 100 euroshi yt”, tha ai.
Tutje Berisha tha se 80 mijë vende pune janë shuar në Kosovë që nga viti 2020. Madje, ai tha se nga fillimi i vitit të kaluar deri tani vlerësohet se mbi 100 mijë persona kanë ikur jashtë vendit.
“80 mijë vende pune në Kosovë janë shuar që nga viti 2020. Ata 80 mijë njerëz sot janë në krizë. Disa kanë ikur jashtë vendit, 42 mijë raportohen vetëm nga viti i kaluar, tani po pritet të jetë mbi 100 mijë. Pra këta njerëz janë që kanë ikur jashtë vendit dhe të gjithë këta janë potencial, janë fuqi punëtore dhe nuk janë të gjithë të një kategorie, punëtorë të thjeshtë por janë nga të gjitha kategoritë, deri tek mjekët, profesorët, juristët etj”, shtoi ai.
Në tej Deputeti i PDK-së e akuzoi Qeverinë se po shkakton inflacion në vend që ta ndalë atë.
“Kjo formë qeverisëse nuk besoj që askush sado armiqësuar të jetë ai me popullin e vet që ia kish bërë, këtë formë të qeverisëse dhe të ndaljes së parasë në qarkullim dhe thash kthehet dhe merr kredi 43 milionë për të dhënë ndihma këndej”, u shpreh ai./Teve1.info/