Në një komunikatë për media, ata theksojnë se në disa shkolla numri i nxënësve ka qenë tepër i vogël dhe përsëri mësimi nuk është zhvilluar, shkruan teve1.info
“Kjo është vlerësuar në takimin e jashtëzakonshëm që SBASHK-u ka mbajtur me kryetarët e nivelit komunal sindikal të cilët kanë raportuar lidhur me gjendjen e sotme në komunat e tyre”, thuhet në komunikatë.
Nga SBASHK-u janë shprehur të pakënaqur me vendimin e MASHTI-t duke njoftuar se të hënën do të mbajnë një takim urgjent për të bërë përpjekje që të gjindet një zgjidhje tjetër për orët e humbura.
“Nëse nuk veprohet kështu, atëherë do të kemi situatë të njëjtë edhe në të shtunat tjera e aq më shumë edhe në ditët e rregullta të punës procesi mësimor nuk do të ketë rrjedhë të mbarë nga debatet që do të zhvillohen lidhur me çështjen e orëve e ditëve të humbura në grevë”, thuhet tutje në njoftimin për media.
Nga ana tjetër, nga Ministria e Arsimit kanë bërë të ditur për Tëvë 1 se këtë të shtunë një pjesë e mësimdhënësve kanë qenë në vend të punës. Ndërksa, sa i përket inspektimit nga Inspektorati i Arsimit thuhet se sa i përket numrit të nxënësve, kjo dallon nga shkolla në shkollë.
Vendimi i marrë nga Ministria e Arsimit, që orët e humbura nga greva të zëvendësohen të shtuneve, po kundërshtohet nga SBASHK-u. Ndërkaq, ministrja e këtij dikasteri, Arbërie Nagavci ka bërë të ditur se mosmbajtja e orëve është vepër penale dhe ata mësimdhënës që nuk i zëvendësojnë nuk do të kompensohen. /Teve1.info/
https://teve1.info/lajmet/shume-mesimdhenes-punuan-sot-ministria-e-arsimit-jep-detaje-pas-inspektimit-ne-shkolla/
