Me të mbërritur, ky i fundit e priti brenda qeverisë, ku me dyer të mbyllura mbajtën një takim, për zhvillimet e fundit në vend.
“Kishim dy pika në agjendë. Pika e parë ishte të ecim përpara me normalizimin dhe të çojmë para negociatat, që po vazhdojnë edhe me intervenimin e Presidentit Macron dhe Kancelarit Scholz dhe thirrjen e Sekretarit Blinken. Pika e dytë e agjendës ishte diskutimi për çështjet aktuale, veçanërisht për çështjen e energjisë dhe për çështjen e targave”, tha ai..
Lajçak deklaroi se viti 2023, është moment i mirë për normalizimin e raporteve mes Kosovës dhe Serbisë.
“Në vitin 2024 ka zgjedhje në ShBA dhe mandej në BE. Nuk po them se viti tjetër është përcaktues, por kemi një mundësi të mirë para zgjedhjeve”, shtoi ai.
Ish-diplomati sllovak, thotë se nëse kjo nuk bëhet, rrezikohet të dështoj edhe marrëveshja për energjinë.
“Për energji jemi në proces të konsultimit, ka rrezik t’i tërhiqet licenca Elektroserverit, e nuk duam të ndodhë kjo. Për këtë ftuam në Bruksel gjithë aksionarët, si KEDS e Elekstroserver të hënën”, deklaroi Lajçak.
Kur u pyet për deklaratat e Komisionerit evropian për Zgjerim dhe Fqinjësi i BE-së, Oliver Varhelyi, që një ditë më herët kritikoi Kosovën për veprime të njëanshme, Lajçak dha këtë përgjigje: “Ai e ka mandatin e tij dhe unë e kam timin”.
Një vizitë të tillë Lajçak do ta bëjë të hënën edhe në Beograd.
Kronika e gazetarit Arton Rama.