Përmes një postimi në Facebook, Mustafi tha se mundësia që edhe Lugina e Preshevës të bëhet pjesë e agjendës së ShBA-së është një mundësi për zhvillimet rajonale.
Tutje, ai u shpreh se Qeveria e Kosovës po e mbështet angazhimin e përbashkët për evokimin e pozitës së shqiptarëve në Luginën e Preshevës me Ligën Qytetare Shqiptaro-Amerikane.
“Angazhimi i përbashkëta për avokimin e pozitës së shqiptarëve në Luginën e Preshevës me Ligën Qytetare Shqiptaro-Amerikane të Joe & Shirley DioGuardi, të mbështetur nga Qeveria e Kosovës dhe Kryeministri Albin Kurti është në kuadër të ndërrmarrjes së hapave strategjik. Mundësia që edhe Lugina e Preshevës të bëhet pjesë e agjendës së Shteteve të Bashkuara të Amerikës është jashtëzakonisht e rëndësishme në zhvillimet rajonale të Ballkanit Perëndimor”, shkroi ai./teve1.info/
