Në një konferencë për media, ajo ka thënë se nuk do të bëjë sikurse qeveritë e kaluara duke i mashtruar qytetarët me deklarata për liberalizim të vizave, teksa përmendi edhe deklaratat e ish-kryeminsitrave dhe ish-presidentëve të Kosovës, raporton teve1.info
Sipas saj, gjithçka që varet nga ta, ata kanë e kanë bërë sepse kanë punuar në atë drejtim sidomos Ministria e Punëve të Jashtme, kryeministri i Kosovës, Albin Kurti, presidentja e Kosovës, Vjosa Osmani dhe kryetari i Kuvendit, Glauk Konjufca.
Haxhiu tha se qytetarët e Kosovës duhet të lëzivin lirshëm sepse është e drejtë e tyre.
“Sa i përket liberalizmit të vizave unë nuk do të i’a bëjë sikurse kanë bërë qeveritë e kaluara, sepse ju i mbani mend besoj deklaratat e ish-kryeministrave, ish-presidentëve në këtë drejtim duke i mashtruar në vazhdimësi qytetarët e Republikës së Kosovës, ajo çka mund të themë unë është që gjithçka çka varet nga ne, ne e kemi bërë. Ajo çka mund të them unë është që ne jemi jashtëzakonisht optimist dhe kemi punuar për këtë sidomos Ministria e Punëve të Jashtme, kryeministri Kurti, presidentja Osmani dhe kryetari i Kuvendit, pra kanë qenë disa prej figurave që janë angazhuar jashtëzaknosisht për këtë, prandaj jemi optimist që qytetarët e Republikës së Kosovës të lëvizin lirshëm sepse është e drejtë e tyre”, tha Haxhiu.
Ndryshe, Komisioni i Bashkimit Evropian e ka vendosur zyrtarisht në rend dite diskutimin për liberalizimin e vizave për Kosovën, e cila do të diskutohet më 13 tetor.
Në qershor të vitit 2016, Komisioni Evropian pati vlerësuar se Kosova i ka përmbushur të gjitha kriteret për liberalizim të vizave, mirëpo pati vënë kusht për finalizim të procesit që të arrihej marrëveshje për ratifikimin e demarkacionit të kufirit mes Kosovës dhe Malit të Zi, dhe që të kishte rezultate në luftën kundër krimit dhe korrupsionit në Kosovë.
Më pas më 2018, Komisioni Evropian pati konstatuar se Kosova i ka përmbushur të gjitha kriteret dhe pati propozuar liberalizim./teve1.info
