Ai ka thënë se janë përballur edhe me Ligje e Projekte të planifikuara jo mirë.
Kurti tha se janë 400 Ligje në kundërshtim me njëra tjetrën.
“Rreth 400 Ligje janë në kundërshtim me njëra – tjetrën dhe natyrisht që tash nevojiten Projektligje për plotësim ndryshim dhe harmonizim”, tha Kurti, shkruan teve1.info.
Ai si sfidë përmendi edhe domosdoshmërinë e reformës në Administratën Publike.
Kurti tha se Ligji për Zyrtarët Publikë është i mangët, por që sipas tij me atë të riun që së shpejti do të miratohet në Qeveri do të rregullohen të gjitha mangësitë.
Kryeministri ka përmendur edhe të arriturat e Qeverisë deri më tani.
Ai tha se qytetarëve u kanë ofruar qeverisje social demokrate, pa korrupsion e me stabilitet financiar.
Në mbledhjen e Qeverisë ai tha se kanë ndarë mbi 750 milionë euro mbështetje për qytetarët në përballimin e krizës ekonomike.
Kurti tha janë rritur edhe të hyrat nga ATK e Dogana, ndërsa theksoi se vendi ka pasur “rritje ekonomike historike”
“Rritje ekonomike historike për vendin tonë për vitin që shkoi me 10.7 %, ndërsa në çerekun e parë të këtij viti kemi 4.9% të Bruto Produktit Vendor”, tha Kurti.
Ai tha se vendi nuk ka pasur qeverisje më të mirë, por që sipas tij, duhet ende punë për të bërë.
